ટૂંકા કદમાંથી ગોલ્ડ મેડલની તરફ: નવદીપ સિંહની પ્રેરણાત્મક યાત્રા નાના કદનાં ટોણા અને મહાન સિદ્ધિ: નવદીપ સિંહની યાત્રા નવદીપ સિંહ, ભારતના એક પ્રખ્યાત જેવલિન થ્રો ખેલાડી, જેમણે 2024 ના પેરાલિમ્પિકમાં ગોલ્ડ મેડલ જીત્યો, તેમની આ સફળતા પાછળની વાર્તા પ્રેરણાત્મક છે. તેમના બાળપણમાં ટૂંકી ઊંચાઈને કારણે તેઓએ ટોણા સંભળાયા, પરંતુ તે નબળાઈઓને પોતાના ઉપાય રૂપમાં સ્વીકારી ગયા. પરિવાર અને પ્રોત્સાહન: નવદીપના પિતાએ તેમને હંમેશા પ્રોત્સાહન આપ્યું, અને તેમના પરિવારનો સહારો તેમને આગળ વધવા માટે મજબૂત બનાવ્યો. તેમની મહેનત અને તત્પરતા આજે તેમને એક આંતરરાષ્ટ્રીય તારક બનાવતી છે. ટોણાના અવાજથી તાળીઓ : જ્યાં લોકો ટોણા મારતા હતા, ત્યાં નવદીપે તેમની મહેનતના પરિણામે તાળીઓના ગડગડાટમાં ઝંખન કર્યું. તેમણે સાબિત કરી દીધું કે કોઈપણ પડકારો પાસેથી પાછા ન વળવા અને પોતાના સપનાને સાકાર કરવાની કોશિશ કરવી જોઈએ. પ્રેરણા : નવદીપ સિંહનું જીવન તેના સમકક્ષો માટે પ્રેરણાનું સ્ત્રોત બની ગયું છે. તેમની સફળતાનો સંદેશ છે કે મુશ્કેલીઓથી ભાગ ન લેવું અને મહેનતથી આગળ વધવું એ મહત્વપૂર્ણ છે. #Inspiration #NavdeepSingh #ParalympicChampion...
Khergam|ven faliya: ખેરગામના વેણ ફળિયા ખાતે બાળ મંડળ આયોજિત ગણેશ વિસર્જન કરાયું.
તારીખ 15-09-2024 નાં દિને ખેરગામના વેણ ફળિયા ખાતે બાળ મંડળ આયોજિત ગણેશજીનું ધામધૂમથી વિસર્જન કરાયું હતું. વેણ ફળિયા બાળવૃંદ દ્વારા તેમની કક્ષાએ માટીની ગણેશજીની પ્રતિમા બિરાજમાન કરવાનું આયોજન કર્યું હતું. પરંતુ આયોજન અંગે બાળકોના માનીતા ' કાકા ' ગણેશભાઈ પટેલને વાત કરવામાં આવી હતી. તેમણે બાળકોમાં ઉત્સાહ વધારવા માટે તૈયાર ગણપતિની મૂર્તિ ખરીદી કરવા તમામ બાળકોને ટેમ્પામાં બેસાડી ખરીદવા લઈ ગયા અને તેમની પસંદગીની મૂર્તિ કરી હતી.ત્યાર બાદ નવ દિવસ સુધી સુધી બાળ વૃંદ સાથે નાના મોટા સૌ કોઈ પૂજા અર્ચનામાં જોડાઈ બાળકોનો ઉત્સાહ વધાર્યો હતો.સાથે સાથે બાળકોની ખુશીમાં સામેલ થઇ મહા પ્રસાદનું આયોજન પણ કરવામાં આવ્યું હતું. જેમાં નવયુવાનો દ્વારા યથાશકિત મદદ કરી હતી. વિસર્જનમાં dj નું આયોજન કરી બાળકોના ઉત્સાહમાં ઓર વધારો કર્યો હતો.
વિચારવા જેવી એ બાબત હતી કે, આ નવ દિવસ દરમ્યાન બાળકો મોબાઈલ ઉપયોગ કરવાનું ભૂલી ગયા હતા. તેઓ ફક્ત આ કાર્યક્રમ બાબતે ચર્ચા વિચારણા કરતાં જોવા મળ્યા હતા.તેમના જિદ્દી સ્વભાવમાં પણ હકારત્મક તફાવત જોવા મળ્યો હતો.તેઓ સવાર સાંજ આરતી, ધૂન,ભજન સમયસર કરતા જોવા મળ્યા હતા. તેમજ રજાના દિવસોમાં ફક્ત ને ફક્ત ગણપતિના સ્થાપનની જગ્યાએ બેસી હવે પછીના કાર્યક્રમોના આયોજન બાબતે ચર્ચા વિચારણા કરતાં જોવા મળ્યાં હતાં. આ આયોજનમાં બાળકોની સક્રિય ભાગીદારી જોવા મળી હતી. બાળકો નાનપણથી વિવિઘ કાર્યક્રમોના આયોજન અંગે માનસિક તૈયારી, બાળકોમાં નેતૃત્વનો ગુણ, સંગીતના વાજિંત્રનો ઉપયોગ, ભક્તિભાવ, સમયપાલન, નાણાંકીય વ્યવહાર, એકબીજા સાથે મિત્રતાનો સંબંધ જેવા ગુણો અનાયસે તેમનામાં વિકસતા જોવા મળતાં હોય છે.
વાલીઓના પ્રતિભાવો પણ હકારાત્મક જણાયા હતા. તેમને પણ બાળકોને આ દિવસો દરમ્યાન કોઈ પણ જગ્યાએ બાળકો હરવા ફરવા માટે કોઈપણ પ્રકારની માંગણી કરી ન હતી.
Comments
Post a Comment